Haradinaj: Populli i Kosovës i kupton më së miri vuajtjet e popullit boshnjak

10:41 | 11 Korrik 2021
Arbresh.info

Kryetari i Aleancës për Ardhmërinë e Kosovës, Ramush Haradinaj, ka kujtuar sot gjenocidin që ndodhi 26 vite më parë në Srebrenicë.

Nëpërmjet një postimi në rrjetin social “Facebook”, Haradinaj është shprehur se populli i Kosovës i kupton më së miri përjetimet dhe vuajtjet e popullit boshnjak meqë ishte po ashtu viktimë e një terrori shtetëror./arbresh.info/

Postimi i plotë:

“Kujtojmë sot mijëra jetë të shuara në Srebrenicë, nga regjimi mizor i Millosheviqit.
Njerëz të pambrojtur e pa asnjë faj, përfshirë edhe fëmijë, gra e të moshuar, pësuan nga projektet shoviniste të realizuara përmes gjenocidit.
Populli i Kosovës, i cili ishte po ashtu viktimë e të njëjtit terror shtetëror, i kupton më së miri dhembjet, përjetimet dhe vuajtjet e popullit boshnjak dhe bashkëndjen me ta!
RH”

Shpërndaje në rrjete sociale

Lajmet më të lexuara

Të ngjashme

Foto lajm